Hei stelle mir Iech e puer beandrockend Perséinlechkeete vir, déi fir hir besonnesch kulturell Verdéngschter vum Schäffen- a Gemengerot ausgezeechent goufen. Dës engagéiert Leit hunn duerch hir kreativ Aarbechten eis Gemeinschaft beräichert a goufe fir dës Leeschtungen an enger klenger Feier gehéiert.
Entdeckt hir Geschichten a loosst Iech inspiréieren!
De Jean Schumacher hat seng musikalesch Ufäng mat 8 Joer am Tuba an der Schëtter Musek. Hien huet säi Museksstudium zu Salzbuerg um Mozarteum absolvéiert an een Diplom fir Musekserzéiung an Instrumentalpädagogik gemaach. Wärend senge Joren am Stater Kolléisch als Museksprofesser hëlleft hien d’Musekssektioun opzebauen a gëtt ënnert anerem Präsident vun der MUSEP. Zënter 2002 huet de Jean Schumacher déi musikalesch Leedung vun der Chorale Ste Cécil evun Hueschtert iwwerholl an dëst iwwer 20 Joer.
De Claude Hoffmann ass 1949 gebuer a scho ganz fréi a Kontakt mat der Musek komm, well säi Papp, den Norbert Hoffmann (1916-2011) war e bekannte lëtzebuergesche Komponist, Dirigent a Musekspädagog. Hie war vun 1960 bis 1971 Dirigent vun der Lëtzebuerger Militärmusek an huet am Ganzen eppes iwwer 300 Museksstécker komponéiert. De Claude Hoffmann, dee vun 1975 bis 2002 a nach eemol vun 2002 bis 2024 Dirigent vun der Hueschterter Musek war, huet d’Gemeng ënnert anerem och d’Grënnung vun der Museksschoul ze verdanken.
Den 30. Mee 2016 krut den Acteur Luc Schiltz de Kulturpräis vun der Gemeng Nidderaanwen. De Luc, deen aus enger Gastronomie Famill staamt, huet seng Talenter am Theater scho fréi entwéckelt an duerno zu Metz a Léck studéiert. Hien ass Vizepresident vun „actors.lu“ an Matgrënner vun „Vivarium Tremens“ a „Hydra Editions“ ginn. De Schiltz huet an internationale Filmer gespillt an am lëtzebuergesche Film „Eng nei Zäit“ beandrockt. D'Präisiwwerreechung war am „Kulturhaus Nidderaanwen“.
De Gust Graas war e lëtzebuergesche Moler a Geschäftsmann an ass 1924 gebuer ginn. Hie war virun allem fir seng abstrakte Wierker bekannt, mat dacks kräftege Faarwen a geometresche Formen. De Graas war och de Grënner vum Lëtzebuerger Fernsehsender RTL. Seng Konschtwierker sinn international ausgestallt a geschätzt ginn. Hien ass 2020 verstuerwen an huet e grousst Konscht-Ierwen hannerlooss.
De 26. September 2000, hunn d’Membere vum Schäffen- a Gemengerot a vun der Kulturkommissioun, dem Här Jean Even de Merite culturel, fir seng kulturell Verdéngschter a seng aktiv Zäit um kulturelle Liewen op lokalem an nationalem Niveau, iwwerreecht. Den Här Even war Dirigent vum Chouer „St. Cécile“ zu Hueschtert, Organist vun der Eglise paroissiale zu Hueschtert a Generalsekretär vun der „Union Saint Pie X“.
A Präsenz vun de Ministeren Erna Hennicot-Schoepges an Alex Bodry gouf de Professer Léopold Reichling am Mee 1998 mam „Mérite culturel“ vun der Gemeng Nidderaanwen ausgezeechent. Dëse Präis fir besonnesch Verdéngschter am kulturelle Beräich gouf dem Professer Léopold Reichling vum deemolege Buergermeeschter vun der Gemeng Nidderaanwen, Jean Schiltz, iwwerreecht, fir säin onermiddlechen Asaz fir d’Erhalen an de Schutz vun der „Aarnescht“.
Foto: Wikipedia
Den Emile Erpelding ass den 23. Juni 1917 zu Merzlich un der Musel gebuer. Als Grënnungsmember vun de „Geschichtsfrënn vun der Gemeng Nidderaanwen“ huet hie bedeitend Verdéngschter an der Lokalgeschichtsforschung. Den 30. Mee 1997 gouf hie vun der Gemeng Nidderaanwen mat dem „Mérite Culturel“ geéiert. D‘Ausstellung „Vum Kär zum Brout“ gouf him als Unerkennung gewidmet.
De Joseph Jean Schumacher ass den 9. September 1913 zu Senneng gebuer. Den Autodidakt huet sech säi Liewen der Geschicht vum Land a speziell der Lokalgeschicht vu senger Heemechtsgemeng Nidderaanwen verschriwwen. Seng Aarbecht op dem Gebitt vun der Lokalgeschicht gouf 1988 duerch d'Grënnung vun den "Nidderaanwener Geschichtsfrënn" unerkannt. 1993 huet de Lokalhistoriker de "Mérite Culturel" fir seng Verdéngschter krut.
